მაისში, სოკარის ადამიანური რესურსების გუნდმა ორგანიზება გაუწია მასშტაბურ ორდღიან გუნდურ შეკრებას, რომელიც გაიმართა კახეთში, ლოპოტა სპა რეზორტში.

ღონისძიებამ შეკრიბა სოკარის  სხვადასხვა კომპანიის თითქმის 400 თანამშრომელი, რომელთა მიზანი იყო გუნდური სულისკვეთების გაძლიერება, თანამშრომლობის წახალისება და სხვადასხვა დეპარტამენტებსა და შვილობილ კომპანიებს შორის უფრო მჭიდრო კავშირების შექმნა.

ინიციატივა ასევე ასახავდა კომპანიის მუდმივ ვალდებულებას, ხელი შეუწყოს პოზიტიური, ინკლუზიური და მიმზიდველი სამუშაო კულტურის ჩამოყალიბებას. ღონისძიების განმავლობაში მონაწილეებს შესაძლებლობა ჰქონდათ, დასწრებოდნენ სხვადასხვა გასართობ და სოციალურ აქტივობებს, ამავდროულად, კოლეგებთან ერთად სასიამოვნო და შთამაგონებელ გარემოში გაეტარებინათ ხარისხიანი დრო.

ღონისძიების ერთ-ერთი მთავარი მოვლენა იყო გრანდიოზული გალა ვახშამი, რომლის დროსაც თანამშრომლები შეიკრიბნენ უეფას ჩემპიონთა ლიგის ფინალის ერთად საყურებლად. საღამო გაგრძელდა ცოცხალი მუსიკის შესრულებით, რამაც შექმნა სადღესასწაულო და ენერგიული ატმოსფერო. მოგვიანებით, მონაწილეებმა ისიამოვნეს ჯაზ კლუბში გამართული წვეულებით, სადაც მოწვეული დიჯეი მონაწილეობდა, რამაც დღესასწაული დაუვიწყარ დასასრულს მიაღწია.

ორი დღე სავსე იყო დადებითი ემოციებით, შინაარსიანი ურთიერთქმედებით და ერთიანობის ძლიერი განცდით. სიამოვნებით გაგიზიარებთ ფოტოების ნაკრებს, რომლებიც ასახავს ამ განსაკუთრებული ღონისძიების ენერგიას, ენთუზიაზმს და გუნდური სულისკვეთებას.

‍