20 სექტემბერს, აზერბაიჯანში ნავთობმუშაკთა დღე აღინიშნა. ამ დღეს აზერბაიჯანის სახელმწიფო ნავთობკომპანიამ (სოკარმა) ხაზი გაუსვა ნავთობმუშაკთა თავდადებასა და მიღწევებს და აღიარა მათი ფასდაუდებელი წვლილი ქვეყნის ენერგეტიკული სექტორის განვითარებაში.

ღონისძიებაზე დაჯილდოებულ პროფესიონალთა შორის იყვნენ სოკარ საქართველოს წარმომადგენლები: სოკარ ენერჯი ჯორჯიას შიდა კონტროლის დეპარტამენტის ხელმძღვანელი ბატონი გულახმედ ხახიევი და სოკარ ჯორჯია გაზის ავარიულ-აღდგენითი სამსახურის უფროსი ბატონი ზაზა მღებრიშვილი. აზერბაიჯანის ნავთობის ინდუსტრიის განვითარებაში შეტანილი განსაკუთრებული წვლილისთვის, აზერბაიჯანის რესპუბლიკის პრეზიდენტმა ორივე მათგანი “Taraggi” (პროგრესის) მედლით დააჯილდოვა.

ეს ჯილდო ასახავს იმ სპეციალისტთა ერთგულებას, პროფესიონალიზმსა და თავდადებას, რომლებმაც წვლილი შეიტანეს ენერგეტიკული სექტორის მუდმივ ზრდასა და აზერბაიჯანის ნავთობის ინდუსტრიის ტრადიციების განმტკიცებაში.

1994 წელს გაფორმებულმა „საუკუნის კონტრაქტმა“ საფუძველი ჩაუყარა აზერბაიჯანის მდგრად ეკონომიკურ განვითარებას და ქვეყნის ენერგეტიკულ ისტორიაში ახალი ეპოქის დასაწყისს.

ამ მნიშვნელოვან გზაზე გადამწყვეტი როლი ითამაშა ნავთობმუშაკთა კომპეტენციამ,ერთგულებამ და თავდაუზოგავმა შრომამ.

დღეს ჩვენ სიამაყით ვულოცავთ ყველა იმ ნავთობმუშაკს, რომელთა პროფესიონალიზმი და თავდადება კვლავაც უწყობს ხელს ენერგეტიკული სექტორის განვითარებას და მომავლის ენერგეტიკული ლანდშაფტის ჩამოყალიბებას.

გილოცავთ ნავთობმუშაკთა დღეს!

‍

‍

‍