გასულ კვირას წარმატებით დასრულდა სტუდენტური სტაჟირების პროგრამა სოკარ ჯორჯია პეტროლეუმის ნავთობპროდუქტების ტესტირების ლაბორატორიაში.

პროგრამაში მონაწილეობდნენ ივანე ჯავახიშვილის სახელობის თბილისის სახელმწიფო უნივერსიტეტის ზუსტი და საბუნებისმეტყველო მეცნიერებათა ფაკულტეტის ქიმიის  სტუდენტები.

სტაჟირების დროს მონაწილეებმა შეისწავლეს ნავთობპროდუქტების თეორიული საფუძვლები, გაეცნენ თანამედროვე ფიზიკურ-ქიმიური კვლევის მეთოდებს და მიიღეს პრაქტიკული გამოცდილება ლაბორატორიულ პრაქტიკაში უშუალო ჩართულობის გზით. განსაკუთრებული ყურადღება დაეთმო ბენზინისა და დიზელის ხარისხის კონტროლის მეთოდებს, შესაბამის სტანდარტებსა და მოწინავე ანალიტიკურ მიდგომებს.

2025 წელს სოკარ ჯორჯია პეტროლეუმის ლაბორატორიამ ორჯერ მიიღო მონაწილეობა ნიდერლანდების ლაბორატორიათშორისი კვლევების ინსტიტუტის (IIS) მიერ ორგანიზებულ პროფესიულ ლაბორატორიათ შორის ტესტირების პროგრამებში.

ლაბორატორიამ მიაღწია შეფასების უმაღლეს შედეგებს და მოიპოვა პრესტიჟული „წარჩინების სერტიფიკატი“.

ეს საერთაშორისო აღიარება ადასტურებს:

• ჩვენი ტესტირების მეთოდოლოგიების სიმტკიცეს
• ჩვენი ანალიტიკური პროცესების სანდოობას
• ჩვენი ლაბორატორიული აღჭურვილობისა და პრაქტიკის სრულ შესაბამისობას საერთაშორისო სტანდარტებთან.