სოკარმა S&P Global-ის რეიტინგებისა და ანალიტიკის სფეროში მსოფლიოს ერთ-ერთი წამყვანი კომპანიის  მიერ ჩატარებულ კორპორაციული მდგრადობის შეფასებაში (CSA) 100-დან 50 ქულა მიიღო და ESG რეიტინგი მოიპოვა.

ამ გლობალურ შეფასებაში დაახლოებით 12 500 კომპანია მონაწილეობდა.

2026 წლის 9 ოქტომბრის მონაცემებით, სოკარმა აჯობა „ნავთობისა და გაზის მოპოვებისა და ინტეგრირებული საქმიანობის“ (Oil & Gas Upstream & Integrated) ინდუსტრიულ ჯგუფში შეფასებული კომპანიების 83%-ს. ეს შედეგი ასახავს პროგრესს კომპანიის მდგრადობის დღის წესრიგის თანმიმდევრულ განვითარებასა და გარემოსდაცვითი, სოციალური და მმართველობითი (ESG) პრინციპების კორპორაციულ მართვასა და ოპერაციულ საქმიანობაში ინტეგრირების კუთხით.

S&P Global-ის შეფასების ფარგლებში, სოკარმა მოთხოვნილი 1000-ზე მეტი ინდიკატორიდან 95%-ზე მეტის შესახებ მიაწოდა მონაცემები, რითაც დაადასტურა კომპანიის მზაობა მდგრადობასთან დაკავშირებული მონაცემების გამჟღავნებისა და გამჭვირვალე ანგარიშგების პრაქტიკის მიმართ.

წინა შეფასებასთან შედარებით, მნიშვნელოვანი პროგრესი დაფიქსირდა ისეთ მიმართულებებში, როგორიცაა: ESG საკითხების არსებითობის განსაზღვრა; ადამიანის უფლებებთან დაკავშირებული ვალდებულებებისა და შესაბამისი პროცესების გაძლიერება; კლიმატის მიმართულებით ქმედებების გააქტიურება და კლიმატის სტრატეგიის შემუშავება; სათბურის აირების ემისიების შესახებ ანგარიშგების გაფართოება; ასევე, რესურსების მართვისა და მათი ხელახალი გამოყენების გაუმჯობესება. ეს მიღწევები ასახავს სოკარის მუდმივ ძალისხმევას მდგრადობის მართვის პრაქტიკის გაუმჯობესების, გარემოსდაცვითი და სოციალური პასუხისმგებლობის გაძლიერებისა და გრძელვადიანი სტრატეგიული პრიორიტეტების საერთაშორისო სტანდარტებთან შესაბამისობაში მოყვანის კუთხით.

S&P Global კომპანიების მდგრადობის მაჩვენებლებს ინდუსტრიისთვის სპეციფიკური კრიტერიუმების საფუძველზე აფასებს. ქულები 0-დან 100-მდე შკალით განისაზღვრება, რაც კომპანიებს საშუალებას აძლევს, საკუთარი შედეგები შესაბამის ინდუსტრიულ ჯგუფში მოქმედ სხვა კომპანიებს შეადარონ. CSA კომპანიებს ეხმარება, გამოავლინონ მდგრადობის კუთხით არსებული ძლიერი მხარეები და გაუმჯობესების საჭიროების მქონე სფეროები, ასევე შეადარონ მართვის პრაქტიკა ინდუსტრიის საერთაშორისო სტანდარტებს.

‍

‍